Xeito
Pouco despois de ver a luz na Coruña o primeiro proxecto persoal do cociñeiro galego Iván Domínguez, este decide ir un paso máis alá e abrir un segundo local na céntrica rúa madrileña de Prim.
O local herda do seu irmán as proporcións alongadas e o tratamento da cociña, ao situarse na entrada do local como xesto de benvida e honestidade. O acceso ao comedor ten lugar polo centro da cociña, da que nace unha única mesa central que ordena toda a sala baixo unha marcada simetría. O espazo, noutrora carboeira, conserva o carácter sobrio e humilde, tanto pola escala como polos materiais. Un lugar espido, toda unha declaración de intencións da cociña de Iván.
—
Deseño para Iván Domínguez
Fotografías de Nado
