Gran Suite
O ciclo de uso dos hórreos conleva un período de desocupación comprendido entre os meses de primavera e outono, durante o que se poden encaixar múltiples propostas de aproveitamentos alternativas.
O obxectivo da instalación céntrase en intervir un hórreo sen producir alteracións substanciais que contraveñan a condición de ben patrimonial e convertelo nunha Gran Suite persoal.
Para isto proponse un sinxelo sistema de auto-edición, baixo custo e rápida montaxe que resolve unhas funcións mínimas de asento, escritorio, descanso e almacén, e coa suficiente neutralidade para personalizalo ao gusto de cada un.
Os contedores e superficies empregadas son obxectos cotiáns reutilizados, e todos comparten o mesmo sistema de anclaxe mediante cinchas suxeitas aos balaústres, que pola súa configuración ofrecen un magnífico sistema de guías de ancoraxe.
Fotografías de Javier Iglesias, Cenlitros
