Parga

Parga

A pedra e a luz, dous elementos antagónicos que Parga busca unir na procura dunha imaxe case de ficción. A enerxía contida no interior dun mineral busca liberarse e saír ao exterior en forma dun intenso raio de luz directa.

Parga é unha colección que recupera a aplicación do granito para obxectos funcionais e decorativos en espazos interiores, aproveitando a neutralidade cromática e a súa textura natural. Un conxunto formado por tres pezas de diferentes diámetros e alturas, que empregan unha linguaxe formal que remite á talla lítica máis primixenia e rudimentaria. 

O material empregado extráese nas canteiras de Parga-Guitiriz (Lugo) e provén do aproveitamento de descartes. Un granito compacto de tono grisáceo claro uniforme con pintas negras e granulometría fina. 

Deseño para A-Emotional Light
Honoree Interior Design Best of Year Awards 2023

Uso de cookies

En cumprimento da Lei 34/2002, de Servizos da Sociedade da Información, lembrámoslle que este sitio web utiliza cookies co fin de mellorar os nosos servizos.