Nebra
Nebra capta o amencer estival a través dun fino veo de brétema. Unha luz característica do albor atlántico nunha época na que as primeiras néboas anticipan o outono. Un fulgor horizontal a modo de liña de horizonte que segundo se eleva vaise degradando e xerando unha atmosfera etérea e vaporosa.
Unha peza lineal de proporcións horizontais que integra dous tipos de iluminación: unha directa que proxecta de forma cenital e unha segunda indirecta que aporta unha iluminación ambiental tenue e suxerente. A irradiación lumínica en toda a superficie confírelle un aspecto ingrávido, algo que contrasta coa sobriedade expresiva da peza en estado apagado.
A colección está composta por unha secuencia de pezas de altura constante e lonxitude variable, un xesto que aporta flexibilidade e capacidade combinatoria á serie.
—
Fotografía de Studio Aranda Santos
Deseño para A-Emotional Light
![](/static/media/image/l-57100-20240520143612.jpg)
![](/static/media/image/l-58346-20240520141547.jpg)
![](/static/media/image/l-18180-20240520142035.jpg)
![](/static/media/image/l-67698-20240520142804.jpg)
![](/static/media/image/l-82828-20240520142804.jpg)
![](/static/media/image/l-20890-20240520142826.jpg)