Exenta
Cuarto Pexigo é un proxecto que nace co obxectivo de proporcionar a creativos dun amplo perfil un espazo temporal de traballo e aloxamento, como soporte a calquera acción que poidan desenvolver en Compostela e arredores.
Todo se desenvolve nun único espazo, onde as pezas de mobiliario -Exenta- deben dar resposta ás diferentes necesidades que van xurdindo en cada situación. Unha familia de mobiliario polivalente que co menor número de pezas cobre as necesidades propias do ámbito doméstico.
A autonomía formal confírelle unha gran flexibilidade á hora de moverse no espazo, con independencia do seu tamaño e forma. Do mesmo xeito, o pregado e desmontaxe facilita a súa mobilidade, convertendo o sistema nunha solución lixeira e versátil.
Deseño para Cuarto Pexigo
Fotografías de Roi Alonso
Selección Dezeen Awards
